मनाङ एयरको हेलिकोप्टर दुर्घटनामा परेको छ । रुम्झाटारबाट लोबुचेका लागि उडेको हेलिकोप्टर बिहान सवा ७ बजे दुर्घटनामा परेको हो । सोलुखुम्बुको नाम्चेभन्दा माथि लोबुचेमा हेलिकोप्टर दुर्घटनामा परेको हो ।
मनाङ एयर दिएको जानकारीअनुसार दुर्घटनामा पाइलट घाइते भएका छन् ।
लुक्लामा केहीबेर राखेर घाइते पाइलट पिके सेढाइँलाई काठमाडौं ल्याइँदैछ । मनाङ एयरको ९एनएएनजे हेलिकोप्टर दुर्घटनामा परेको र पाइलट घाइते भएको उड्ययन प्राधिकरणका प्रवक्ता ज्ञानेन्द्र भुलले जानकारी दिए ।
उनका अनुसार हेलिकोप्टर ल्यान्ड गर्ने क्रममा दुर्घटनामा परेको हो । पाइलट घाइते भएका छन् ।
