विराटनगर । मोरङको रंगेली नगरपालिका-५ सतारी टोल नजिकबाट प्रतिबन्धित लागुऔषध ब्राउनसुगर सहित १ जनालाई प्रहरीले पक्राउ गरेको छ ।
शनिबार दिउँसो नियमित चेकजाँचमा खटिएको प्रहरी टोलीले को १ प ५७५५ नम्बरको मोटरसाईकललाई चेकजाँच गर्ने क्रममा मोटरसाईकल चालक सुनवर्षी नगरपालिका-९ का २२ बर्षीय संन्जु कुमार मण्डलको साथबाट २६० मिलिग्राम लागुऔषध ब्राउसुगर बरामद गरेको हो ।
लागुऔषध बरामद भएसंगै मण्डललाई पक्राउ गरी थप अनुसन्धान भईरहेको ईलाका प्रहरी कार्यालय रंगेलीले जनाएको छ ।
