विराटनगर । सरकारी छाप र दस्तखत किर्ते गरेको आरोपमा मोरङ प्रहरीले ५ जनालाई पक्राउ गरेको छ ।
कात्त २ गते वारदात घटाई फरार रहेका ५ जनालाई मोरङको रतुवामाई नगरपालिका-४ झुर्कियाबाट पक्राउ गरेको जिल्ला प्रहरी कार्यालय मोरङले जनाएको छ ।
कात्तिक १६ गते जिल्ला अदालत मोरङबाट पक्राउ अनुमति लिई खोजतलास कार्य भईरहेकोमा मंसिर ९ गते बिहान उनीहरुलाई घरबाट पक्राउ गरेको प्रहरीले जनाएको छ ।
पक्राउ पर्नेमा मोरङ रतुवामाई ४ का ५६ वर्षीय चेतनलाल राजवंशी, ६२ वर्षीय झरिया देवि राजवंशी, ६३ वर्षिय विष्णु राजवंशी,६३ वर्षीय पैखन लाल राजवंशी र ६४ वर्षीय कन्हारु लाल केवरत रहेका छन्।
