विराटनगर । मोरङको कटहरी गाउँपालीकामा संयुक्त सामुदायिक विपद प्रतिकार्य सम्बन्धी दुईदिने तालिम सुरु भएको छ ।
भैरव गण थलाहा र कटहरी गाउँपालिकाको आयोजनामा स्थानिय समुदायमा विपद् सचेतना एवम् खोज तथा उद्धार तालिम – २०८१ को आइतबारबाट सुभारम्भ गरिएको हो ।
दैवीक प्रकोप , बाढी पहिरोका विषयमा नेपाली सेना जनतासँगै घुलमिल हुनेभएकाले भैरव गण थलाह व्यारेकसँगको सहकार्यमा तालिमको आयोजना गरिएको कटहरी गाउँपालिकाका अध्यक्ष देवराज चौधरीले बताए ।
तालिमको पहिलोदिन विपद सम्बन्धी सैद्धातिक तालिम गराउने र सोमबार प्रयोगात्मक तालिम गराउने कार्यक्रम रहेको छ ।
भैरव गणका गणपतिको नेतृत्वमा तालिमको सुरुवात गरिएको बताउदै उनले आगलागी , बाढी पहिरोबाट कसरी बच्ने भन्ने तालिम दिइने बताए ।
नेपालको भौगोलिक विशेषताका कारण साथै विवशताका कारण विपतमा अव्यस्त रहेको भैरव गणका गणपति प्रमुख सेनानी अशिम श्रेष्ठ बताउछन् । तालिमको सहजीकरणमा प्रमुख सेनानी अशिम श्रेष्ठ, सेनानी प्रविण थापा साथै उपसेनानी रिना विश्वकर्मा लगायतको टिमले गर्नेछन् ।
तालिममा जनप्रतिनिधि, वडाका विपद समितिबाट दुई–दुईजना प्रतिनिधि , नेपाल प्रहरी साथै नगर प्रहरीको समेत गरी ५० जना बढीको उपस्थिति रहेको गाउँपालिकाले जनाएको छ ।
