हिले । धनकुटा नगरपालिका-९ र साँगुरीगढी गाउँपालिका-७ को सीमा लेउती खोला र तमोर नदीको दोभानमा बालुवाले पुरिएको अवस्थामा दुई जना महिलाको शव भेटिएको छ ।
शवको पहिचान भने खुलेको छैन । छिमेकी जिल्ला तेह्रथुम र पाँचथरमा सोधपुछ भईरहेको धनकुटाका प्रमुख जिल्ला अधिकारी पुण्यविक्रम पौडेलले बताए । केही दिनदेखि परेको अविरल वर्षाले तमोर नदीमा बाढी आइरहेको छ । छिमेकी जिल्लाबाट शव बगाएर ल्याएको हुनसक्ने प्रहरीको आशङ्का छ ।
शवलाई पोस्टमार्टनको लागि जिल्ला अस्पताल धनकुटामा ल्याइएको छ । आइतबार बिहान करिब ८ः३० बजे शव भेटिएको स्थान मुलघाटदेखि करिब १ किलोमिटर पश्चिममा रहेको प्रहरीले जनाएको छ ।
त्यस्तै, चौविसे गाउँपालिका ४ स्थित फलामेटारमा तमोर नदिमा एक महिलाको शव भेटिएको छ । आजै बिहान करिब ११ बजेट शव भेटिएको जानकारी प्राप्त भएको छ । अहिले घटनास्थलमा तेह्रथुम वसन्तपुरवाट सुरक्षाकर्मी टोली गईरहेको प्रहरीले जनाएको छ ।
