काठमाडौं । प्रदर्शनकारीहरुले कोटेश्वरको भाटभटेनी सुपरस्टोरमा लुटपाट र तोडफोड गरेका छन् ।
राजावादी समूहको प्रदर्शन बिथोलिएपछि तितरवितर भएको समूह सुरक्षागार्डलाई हातपात गर्दै भाटभटेनी सुपरस्टोर भित्र प्रवेश गरेको कर्मचारीले जानकारी दिएका छन् ।
तिनकुनेबाट फर्किएका प्रदर्शनकारीहरुले कोटेश्वरमा रहेको भाटभटेनीको तल्लो फ्लोरमा लुटपाट गर्दै सामान बाहिर निकालेर आगजनी समेत गरेको कर्मचारीले बताएका छन् । सुरक्षा माग गर्दै प्रहरीलाई बोलाउँदा पनि नआएको एक कर्मचारीले आवर विराटनगरलाई जानकारी दिए । सो समूहले तीनकुने नजिकै पर्ने आलोकनगरस्थित एकीकृत समाजवादीको कार्यालयमा आगजनीसमेत गरेको छ ।
