विराटनगर । विराटनगर – १२ स्थित विनायक वोर्डिङ सेकेण्डरी स्कुलमा अध्ययरत ३८ जना विद्यार्थी दिक्षित भएका छन् । स्कुलमा बुधबार एक कार्यक्रम आयोजना गरि ३८ जना विद्यार्थीहरूलाई दिक्षित गरिएको हो ।
युकेजीबाट कक्षा १ मा उत्तिर्ण हुने विद्यार्थीहरूलाई भव्य कार्यक्रम आयोजना गरि दिक्षित गरिएको स्कुलका प्रिन्सिपल मिथलेश ठाकुरले जानकारी दिए ।
दिक्षित भएका विद्यार्थीहरूलाई प्रमाणपत्र प्रमुख अतिथि विराटनगर प्याब्सनका अध्यक्ष अर्जुन श्रेष्ठ, स्कुलका प्रिन्सिपल ठाकुर र स्कुलका प्रवन्धक निर्देशक कमलेश ठाकुरले वितरण गरेका थिए । सोही अवसरमा स्कुलका विद्यार्थीहरूले नृत्य र गायन प्रस्तुत गरि सहभागि भएका अभिभावहरुलाई मनोञ्जन प्रदान गरे।
कार्यक्रमको प्रमुख अतिथि प्याब्सन विराटनगरका अध्यक्ष श्रेष्ठले विद्यार्थीहरुलाई आगामी यात्राको लागि सफलताको शुभकामना दिए । उनले गुणस्तरीय शिक्षासँगै सिपयुक्त शिक्षा प्रदान गरेर अगाडी बढनुपर्नेमा जोड दिँदै विद्यार्थीहरूलाई गुणस्तरीय शिक्षा प्रदान गरि अभिभावकको मन जित्नुपर्ने सुझाब समेत दिए ।
