विराटनगर । पार्टी अध्यक्ष राजेन्द्र लिङ्देनसहितका नेता पक्राउ परेपछि राष्ट्रिय प्रजातन्त्र पार्टी (राप्रपा) मोरङ लगायत राजावादीहरुले विराटनगरमा सिटी जुलुस निकालेका छन् ।
आज (आईतबार) राप्रपाका अध्यक्ष राजेन्द्र लिङ्देन लगायतका नेताहरूले पर्चासहित सिंहदरबारभित्रै प्रदर्शन गरेपछि प्रहरीले हस्तक्षेप गर्दै नियन्त्रणामा लिएको थियो ।
उनीहरूले आफ्ना माग लेखिएका पर्चासहित सिंहदबारमा प्रदर्शन गरेपछि प्रहरीले लिङ्देनसहित उपाध्यक्ष बुद्धिमान तामाङ र प्रवक्ता ज्ञानेन्द्र शाहीलाई नियन्त्रणमा लिएको थियो । पार्टीका अध्यक्ष सहित नेताहरुलाई छाड्नुपर्ने माग राख्दै विराटनगरमा नेता–कार्यकर्ताहरुले उनीहरुको रिहाइको माग गर्दै सिटी जुलुस प्रदर्शन गरेका छन् ।
आईतबार दिउसो ४ बजेपछि गोल्छाचौकमा भेला भई मेनरोड हुदै ट्राफिक चौकमा आएर कोणसभा गरेका थिए । कोण सभामा जिल्लाका नेताहरु पार्टी अध्यक्ष सहित नेताहरुलाई छाड्नुपर्ने माग राख्दै सिटी जुलुस प्रदर्शन गरेका थिए ।
उता पक्राउ परेका अध्यक्ष सहितका नेतालाई जिल्ला प्रहरी परिसर काठमाडौंले केही घन्टामै छाडिदिएको थियो ।
