विराटनगर । मोरङको मोतिपुर खोलाबाट लोड गरेर फर्कदै गरेको टिपरमा अचानक आगलागी भएको छ ।
विराटनगर १९ स्थित मिलनचौकमा सोमबार दिउसो गुडिरहेको टिपरमा अचानक आगलागी भएको हो ।
मोरङको मोतीपुरबाट इनरुवाको भुटाह तर्फ गिट्टी लोड गरेर जादै गरेको प्र १–०२–००१ ख ८५३१ नम्बरको टिपरमा अचानक आगलागी भएको मोरङ प्रहरीले जनाएको छ । आगलागी बाट टिपरको अघिल्लो भाग पुर्ण रुपमा जलेको छ । टिपरका चालक साजन सरदारका अनुसार गाडिमा धुवाको गन्ध आएपछि रोकेर हेर्दा आगो सल्कि सकेको र नजिकैको घरबाट बाल्टिमा पानी बोकेर निभाउने प्रयास गर्दा आफुले आगो नियन्त्रणमा लिन नस्कको बताएका छन् ।
टिपरमा लागेको आगोलाई विराटनगर महानगरपालिकाको दमकलले केही बेरैमा नियन्त्रणमा लिएको थियो । टिपर चालक सरदारलाई नियन्त्रणमा लिएर प्रहरीले घटनाको अनुसन्धान अगाडि बढाएको अस्थाई प्रहरी चौकी घिनाघाट विराटनगर १९ का प्रमुख सही राझेश खड्काले जानकारी दिनुभयो ।
