नेपाल टी-१० क्रिकेट प्रतियोगिताको दोस्रो संस्करण आजबाट विराटनगरमा आयोजना हुदैछ।
उक्त प्रतियोगिता विराटनगर महानगरपालिका वडा नम्बर ६ कार्यालयले आयोजना गर्न लागेको हो । प्रतियोगिता कोशी प्रदेश क्रिकेट संघको स्विकृतिमा सञ्चालन गर्न लागिएको आयोजकले जनाएको छ । प्रतियोगिताका खेलहरु विराटनगरस्थित ज्वाला क्रिकेट मैदानमा खेलाइने छ । प्रतियोगितामा सातवटा क्लबको सहभागिता रहने आयोजकले जनाएको छ ।
प्रतियोगताका खेलहरु दिवा तथा रात्री रुपमा खेलाइने आयोजकले जनाएको छ । प्रतियोगिताका क्रममा कुल २३ खेल आयोजना हुने बताइएको छ । प्रतियोगिताले नेपाली क्रिकेटको विकासमा थप टेवा पुग्ने विश्वास आयोजकले लिएको छ ।
प्रतियोगितामा खेल हेर्न आउने दर्शकलाई मनोरञ्जन दिन बाउन्ड्रीमा आएको बल एक हातले समाते नगद ५ हजार पुरस्कार प्रदान गरिने पनि आयोजकले जनाएको छ । प्रतियोगितामा नेपालका चिरपरिचित खेलाडीहरुपनि सामेल हुनेछन ।
