विराटनगर । नेपाल क्रिकेट फाउण्डेशनको आयोजनामा विराटनगरमा पहिलो पटक भएको ‘अनिल–मीन’ ट्रफी क्रिकेट प्रतियोगितामा सुनसरी विजयी भएको छ ।
विराटनगरको मेरिलेबन ज्वाला क्रिकेट मैदानमा शुक्रवार भएको दोस्रो खेलमा मोरङलाई २१ रनले पराजित गर्दै सुनसरी विजयी भएको हो । जितसँगै ३ खेलको सिरिज १–१ को बराबरी भएको छ । अन्तिम खेल शनिबार हुने छ । टस जितिर ब्याटिङ गरेको सुन्सरीले निर्धारित ५० ओभरको खेलमा ३४ दशमलव ४ बलमा सवै विकेट गुमाई १ सय २ रनमा सिमित भयो । सुनसरीका आशिष मण्डल २५ रन बनाउँदा रोशन घिमिरेले १६ रन, अफान ताहिरले १३ रन र आकाश सर्राफले १० रनको योगदान दिए । मोरङका कृष शर्माले ९ दशमलव ४ बलमा १ मेडन राख्दै ४९ रन दिएर ५ विकेट लिँदा कृतिक कामतले ३ विकेट तथा महबुव इराकी र अमर यादवले १–१ विकेट लिए ।
जवाफमा १ सय ३ रनको झिनो लक्ष्य पाएको मोरङ २३ दशमलव २ बलमा सवै विकेट गुमाई मात्र ८१ रनमा अलआउट भयो । मोरङका अटल साहले अविजित २२ रन बनाउँदा आइन्सटाइन रिजालले १३ रन बाहेक अन्य ब्याटरले दोहोरो अंकलाई छुन सकेनन । सुनसरीका प्लेयर अफ म्याच कविराज खत्रीले १० ओभरमा २ मेडन राख्दै ४७ रन दिएर ५ विकेट लिँदा रविन मण्डलले ३ विकेट लिए । खेल ५० ओभरमा ‘वेष्ट अफ थ्री’ का आधारमा विजेता घोषित गरिने आयोजकले जनाएका छ ।
