विराटनगर । नेकपा एमाले मोरङले पूर्वप्रधानमन्त्री एवम् पार्टी अध्यक्ष केपी शर्मा ओलीको रिहाइको माग गर्दै विराटनगरमा मोटरसाईकल ¥याली प्रदर्शन सहित सरकारलाई विरोध पत्र बुझाएका छन् ।
नवगठित सरकारले पूर्वप्रधानमन्त्री ओलीलाई राजनितिक प्रतिशोध साधेर शनिबार बिहान नियन्त्रणमा लिइएको भन्दै एमालेले देशव्यापी प्रदर्शन गरिरहेको छ । यसैक्रममा आईतबार दिउसो नेकपा एमाले मोरङले पाटी कार्यलय पञ्चालीबाट निस्कीएको मोटरसाईकल ¥याली जिल्ला प्रशासन कार्यलयमा पुगेर केहीबेर नाराबाजी गरेका थिए । नाराबाजीपछि प्रमुख जिल्ला अधिकारी युवराज कट्टेल मार्फत प्रधानमन्त्री बालेन्द्र शाहलाई विरोध पत्र बुझाएका हुन् ।
पूर्वप्रधानमन्त्री ओली र पूर्वगृहमन्त्री एवं नेपाली कांग्रेसका नेता रमेश लेखकलाई शनिबार बिहान सबेरै नियन्त्रणमा लिइएको थियो । उनीहरूलाई जेनजी आन्दोलनको क्रममा दमन गरेको आरोपमा पक्राउ गरिएको बताइएको छ ।
ओलीको पक्राउ ‘गैरकानुनी र पूर्वाग्रही कदम’ भएको बताउँदै पार्टीले सरकारलाई प्रत्यक्ष सन्देश दिने उद्देश्यले विरोधपत्र बुझाएको नेकपा एमाले मोरङका कार्यवहाक अध्यक्ष सागर थापाद्धारा हस्ताक्षरित विज्ञप्तीमा उल्लेख गरिएको छ ।
