विराटनगर । मोरङको कटहरी–२ स्थित जीवन विकास सामुदायिक अस्पताल तथा टेक्निकल एजुकेशन फाउन्डेशनले अत्याधुनिक एमआरआई तथा सिटी स्क्यान सेवा सञ्चालनमा ल्याएको छ । अस्पताल परिसरमा शुक्रबार आयोजित एक कार्यक्रमबीच अस्पतालका अध्यक्ष योगेन्द्र मण्डलले सेवाको औपचारिक उद्घाटन गरेका छन् ।
अस्पताल स्थापनाको एक वर्षमै अत्याधुनिक स्वास्थ्य उपकरण जडान गरेर सेवा विस्तार गरिएको अध्यक्ष मण्डलले बताउनुभयो । उहाँका अनुसार अस्पतालमा विश्वप्रसिद्ध जापानी कम्पनी जडान गरिएको हो।
अस्पतालले सिटी स्क्यानका लागि करिब साढे चार करोड रुपैयाँ तथा एमआरआई मेसिनका लागि करिब १० करोड रुपैयाँ लगानीमा ल्याएको अस्पतालले जनाएको छ । हाल २०० शय्याको अस्पताल सञ्चालनमा रहेको र दैनिक ६० देखि ७० जना बिरामी उपचारका लागि आउने गरेको अस्पताल प्रशासनले जनाएको छ ।
