विराटनगर। विराट भजन समूह परिवारको आयोजनामा आगामी बिहीबार महाआरती हुने भएको छ। १ महिने पुरुषोत्तम–मास (अधिक–मास) कथाको पावन अवसर पारेर उक्त विशेष महाआरती कार्यक्रम आयोजना गर्न लागिएको हो।
आयोजकका अनुसार उक्त महाआरती कार्यक्रम जेठ २८गते विराटनगर–१६, रानीस्थित राधाकृष्ण तथा अष्टचिरञ्जीवी मन्दिरमा बेलुका ठीक ५ बजे सुरु हुनेछ। विराट भजन समूहले एक सूचना जारी गर्दै सम्पूर्ण भक्तजन, दाजुभाइ तथा दिदीबहिनीहरूलाई कार्यक्रममा उपस्थित भई आरतीको आध्यात्मिक लाभ लिन हार्दिक निमन्त्रणा समेत गरेको छ।
