विराटनगर। आगामी कात्तिक २० गते शुक्रबार (नोभेम्बर ६) हुने बहुप्रतीक्षित ‘विराटनगर म्युजिक फेस्टिभल २०८३’ को तयारी तीव्र पारिएको छ।
आयोजकका अनुसार कार्यक्रम स्थल मेन रोडस्थित जैन भवन ग्राउन्डमा स्टेज निर्माण, साउन्ड तथा लाइट सेटअप र अन्य सम्पूर्ण प्राविधिक व्यवस्थापनका कामहरू धमाधम भइरहेका छन्। दर्शकलाई भव्य र अविस्मरणीय सांगीतिक अनुभव प्रदान गर्न आयोजक टोली अहोरात्र खटिरहेको छ।
चर्चित ब्यान्ड रकहेड्स र अल्बाट्रसको विराटनगरमा हुन गइरहेको यो ऐतिहासिक लाइभ कन्सर्टलाई लिएर स्थानीय संगीतप्रेमीहरूमाझ उत्साह छाएको छ। दिउँसो ३:०० बजेदेखि सुरु हुने उक्त कार्यक्रमका लागि टिकट खल्ती एप मार्फत बुक गर्न सकिने आयोजकले जनाएको छ।
