बिराटनगर पुष २ ,
नेपाल अग्रवाल युवा मञ्च विराटनगरको आयोजनामा आजबाट मारवाडी प्रिमियर लिगको सातौं संस्करणको सुरु भएको छ ।मारवाडी प्रिमियर लिगकाे उद्घाटन भव्य कार्यक्रमका बीच रंगेली नगरपालिकाका प्रमुख दिलीप बगडियाले गर्नु भएको हो ।
कार्यक्रममा भिखम चन्द सरल, मोहनलाल शर्मा,देवकी नन्दन अग्रवाल, प्रकाश मुन्दडा लगायतको उपस्थिति रहेको थियो। कार्यक्रम नेपाल अग्रवाल युवा मंचका अध्यक्ष राजेश अग्रवालको अध्यक्षतामा भएको थियो । कार्यक्रमका बारेमा प्रमुख संयोजक अभिषेक केडियाले प्रकाश पार्नु भएको थियो।
उद्घाटन कार्यक्रम पछि भएको पहिलो खेलमा हुलास ११ ले म्याजिक स्टिकरसलाई ४३ रनले हराएको थियो। टोस् जितेर पहिलो ब्याटिङ रोजेको हुलासले निर्धारित १० ओवरमा ९८ रन बनाएको थियो। लक्ष्यलाई पचाउँदै म्याजिकको टिमले ५५ रन मात्र बनाएको थियो। उक्त खेलको म्यान अफ दि म्याच गौरव सेठिया घोषित भए।
दोस्रो खेल प्रिमियर ११ र वारियार्स बिच भएको थियो जसमा प्रिमियरले ७३ रन बनाउँदै जित निकालेको थियो । खेलको म्यान अफ दि म्याच रिषी महेश्वरी भए । निक्कै रोमान्चक बनेको उक्त खेल अन्तिम ओवरमा सकिएको थियो ।
आजै भएको तेश्रो खेलमा हुलास ११ र डाइनामिक च्यालेन्जरस बिच भएको थियो जसमा हुलास टिम ५७ रन बनाउँदै विजयी भएको थियो । उक्त खेलको म्यान अफ दि म्याच समित सुरणा घोषित भएका थिए ।
मारवाडी प्रिमियम लिगमा ५ वटा टिमको सहभागिता रहेको छ ।
