विराटनगर । रानी युवा क्लब विराटनगरले नेवार समुदायको परम्परागत समे बज्जी भोज आयोजना गरेको छन् ।
विराटनगर १५ स्थित क्लब परिसरमा आयोजना गरिएको भोजमा ३ सय ५० जना नेवार समुदायका सर्वसाधारण सहभागि भएका छन ।
भोजका सहभागिलाई बाडा, छोइला,समेबज्जी, छैला सहित बोडी र सिध्रा लगायतका पारम्परिक परिकार खुवाइएको थियो । पारम्परिक समे बज्जी भोजलाई जोगाउने उद्धेश्य सहित विगत ४ बर्षदेखी कार्यक्रम आयोजना गर्नेगरिएको आयोजक समितिका अध्यक्ष उदय डंगोलले जानकारी दिनुभयो ।
असोज महिनामा मनाईने इन्द्र जात्राको अवसरमा उपत्यकामा बस्ने नेवार समुदायमा समेबज्जी भोज आयोजनागर्ने प्रचलन रहेको छ । विराटनगरमा भने सबैको अनुकुल हुनेगरि तथा भोजको अस्तित्व संरक्षण गर्ने उद्धेश्यसहित भोज आयोजना गर्नेगरिएको आयोजक समितिले जनाएको छ ।
