तेजन खड्का
उर्लाबारी, २८ वैशाख – चर्च ब्वाइज युनाइटेड काठमाडौं मोरङको उर्लाबारीमा जारी मदन भण्डारी स्मृति अन्तरराष्ट्रिय गोल्डकप फुटबल प्रतियोगिताको सेमिफाइनल प्रवेश गरेको छ । प्रतियोगिता अन्तर्गत सोमबार भएको खेलमा भारतको कञ्चनजंघा फुटबल क्लबलाई ५–० को फराकिलो अन्तरले पराजित गर्दै चर्च ब्याइजले अन्तिम चारमा स्थान सुरक्षित गरेको हो ।
चर्च ब्वाइजको जितमा पहिलो हाफको १२ औं मिनटमा सुमन लामाले गोलको खाता खोलेका थिए । २७ औं मिनटमा जाङ्वो शेर्पा, दोश्रो हाफको १६ औं मिनेटमा पाल्साङ लामा, दोश्रो हाफकै २३ औं मिनेट जसबहादुर राइ र ३९ औं मिनेटमा सुमन लामा थप गोल गरे ।
चर्च ब्वाइजका सुमन लामा म्यान अफ द म्याच घोषित भए । प्रतियोगिता अन्तर्गत मंगलबारको खेल आयोजक मदन भण्डारी स्मृति प्रतिष्ठान र एपिएफ क्लब पाथीभरा गण झापाबीच हुने आयोजकले जनाएको छ ।
urlabaripage
