विराटनगर असार १९,
नेपाललाई प्रतिनिधित्व गर्दै नेपाली २७ वर्षीय युवा राकेश घिसिङ विश्व पपिङ ब्याटल फाइनलमा पूग्न सफल भएका छन् । उनि हाल बिराटनगरमा रही अध्ययन तथा नृत्यमा लागेका छन ।भोटिङ राउण्डमा नेपाली दर्शकबाट अत्यधिक भोट पाएर उनी फाइनलमा पुग्न सफल भएका हुन।
आयोजक जापान रहेको उक्त प्रतियोगितामा राकेश संगै फ्रान्स , जापान , भारत , अमेरिका , इन्डोनेसिया , स्विजरल्याण्डका सहित १२ जना फाइनलमा पुगेका हुन् ।
विश्वकै ठुलो र विश्व प्रतिष्ठित ब्याटल प्रतियोगिता मध्येको एक रहेको उक्त प्रतियोगिताको फाइनल जुलाई ४ र ५ मा अनलाइन मार्फत हुनेछ ।
उक्त प्रतियोगिताको बिजेताले ९ सय अमेरिकी डलर र विश्व टाइटल पाउने छन् ।
पेशाले डाक्टर समेत रहेका राकेशले यस अघि २०७६ मा नेपालको “पपिंङ ब्याटल“ विधाका राष्ट्रिय विजेता समेत भएका थिए ।
