विराटनगर । विराट व्यापार संघ महिला उप–समितिद्धारा विराटनगरको पुरानो गुद्री बजार प्रवेश गर्ने स्थानमा हात धुने धारा जडान गरिएको छ। विश्व व्यापी रुपमा फैलिरहेको कोरोना भाईरस (कोभिड–१९) को उच्च जोखिमबाट बच्नको लागि ट्याङ्की राखेर धारा जडान गरिएको हो ।
समितिले सोमबार हात धुने धारासहित पञ्जा र मास्क पनि वितरण गरेको थियो । त्यहाँका तरकारी तथा फलफुल व्यापारीलाई पाँच थानका दरले मास्क र पञ्जा वितरण गरिएको उप–समिति सचिव सन्जु सापकोटाले जानकारी दिनुभयो ।
कोरोना संक्रमण रोकथाम र न्यूनीकरणका लागि सचेतनामूलक अभियान चलाउँदै आएको समिति अध्यक्ष शान्ता रिजालले जानकारी दिनुभयो ।
