विराटनगर । नोबेल मेडिकल कलेज एण्ड टिचिङ अस्पतालमा चारजना स्वास्थ्यकर्मीमा कोरोना संक्रमण पुष्टि भएको छ ।
कोशी अस्पताल विराटनगरमा गरिएको पीसीआर परीक्षणमा एकजना चिकित्सक, दुईजना फार्मेसीका कर्मचारी र एकजना स्टाफ नर्समा संक्रमण पुष्टि भएको हो ।
नोबेलमा मंगलबार थपिएकासँगै संक्रमित १८ जना पुगेका छन् । अस्पतालका प्रवन्धक नारायण दाहालका अनुसार नोबेल सुस्वास्थ्य फार्मेसीका कर्मचारीमा संक्रमण पुष्टि भएको बताउनुभयो ।
मेडिकल तथा टिचिङ अस्पतालका कर्मचारीमा कोरोना संक्रमण देखिन थालेपछि प्रशासनले ओपीडी सेवा बन्द गरेर स्वाब परीक्षणलाई प्राथमिकता दिदैं आएको छ ।
