विराटनगर । कोरोना संक्रमितहरुलाई अस्पताल भर्ना गरिएपछि उनीहरुको व्यवस्थापनको जिम्मेवारी सम्हाल्दै आउनु भएका जिल्ला स्वास्थ्य कार्यालय मोरङका प्रमुख ज्ञानबहादुर बस्नेतलाई कोरोना संक्रमण पुष्टि भएको छ ।
कोभिड १९ उपचार केन्द्रको व्यवस्थापन तथा पीयू आईसोलेशन केन्द्र गोठगाउँको समेत व्यवस्थापन हेर्दै आउनु भएका बस्नेतलाई कोरोना संक्रमण पुष्टि भएको हो ।
बस्नेतसँगै कार्यालयका अर्का एक कर्मचारीमा पनि संक्रमण पुष्टि भएको छ । यस अगाडी गोठगाउँ आईसोलेशनमा खटिदै आउनु भएका सोही कार्यालयका जनस्वास्थ्य निरिक्षकलाई संक्रमण पुष्टि भएको थियो । त्यस्नै एकसता अगाडी अर्का कर्मचारीमा समेत संक्रमण पुष्टि भएको थियो ।
संक्रमण देखिएका ती कर्मचारी बीपी कोइराला स्वास्थ्य विज्ञान प्रतिष्ठानमा उपचाररतः रहेको र बाँकी दुईजना होम आईसोलेशनमा रहेको बताइएको छ ।
