विराटनगर । विराटनगरमा शुक्रबार राती १२ बजेदेखि पाँच दिनसम्मका लागि निषेधाज्ञा जारी भएको छ ।
जिल्लास्तरीय कोभिड क्राईसिस मेनेजमेन्टको बैठकले शुक्रबार रातीदेखि नै लागु हुनेगरि भदौ १० गतेसम्मलाई निषेधाज्ञा जारी गर्ने निर्णय गर्ने निर्णय गरेको हो ।
जिल्ला प्रशासन कार्यालय मोरङमा बसेको बैठकले निषेधाज्ञा लगाउनु पर्ने आवश्यकता रहेको निष्कर्षसहित निर्णय गरेको छ ।
मोरङका प्रमुख जिल्ला अधिकारी कोषहरी निरौलाका अनुसार राती ९ बजेदेखि बिहान ५ बजेसम्मका आवतजावत पूर्ण रुपमा निषेज्ञ गरिएको छ । बिहान अत्यावश्यक सेवा बाहेकको आवतजावतलाई निषेध गरिएको छ ।
सधैं झैं लकडाउन हुने हो तर यसमा कडाई गरिने छ, प्रमुख जिल्ला अधिकारी निरौलाले भन्नुभयो–अनावश्यक घर बाहिर निस्कनका लागि पूर्ण प्रतिबन्ध लगाइएको व्यवहोरा अवगत गराउन चाहन्छु ।
