विराटनगर । दधिराज सु्वेदी पुरस्कार प्रतिष्ठानद्वारा विराटनगरका अग्रव पत्रकार मोहन भण्डारीसहित चारजनालाई पुरस्कत गरेको छ ।
शनिबार विराटनगरमा आयोजित पुरस्कार वितरण कार्यक्रममा दुईजना साहित्यकार र दुईजना पत्रकारलाई पुरस्कृत गरिएको हो । कोरोना संक्रमणका कारण २०७६ र २०७७ सालको पुरस्कार शनिबार नै वितरण गरिएको हो ।
दधिराज सुवेदी भाषा, साहित्य पुरस्कार २०७६ बाट बिष्णुबिभु घिमिरे र पत्रकारतर्फ मोहन भण्डारी पुरस्कृत हुनु भएको थियो । यसैगरी यहि पुरस्कारबाट क्रमशः शंकरप्रसाद कोइराला र हरिहर बिरहीलाई पुरस्कृत गरिएको छ । भाषा–साहित्यतर्फको पुरस्कारको राशी ५१ हजार र पत्रकारितातर्फ पुरस्कारको राशी २५ हजार प्रदान गरिएको छ ।
कार्यक्रममा साहित्य क्षेत्रका अग्रज, सामाजिक व्यक्तित्वहरु त्था राजनीतिक व्यक्तित्वहरुको उपस्थिति रहेको थियो । पुरस्कृत हुनुहुनेहरुलाई काँग्रेसका वरिष्ठ नेता रामचन्द्र पौडेल, नेता मिनेन्द्र रिजाललगायतले सम्मानपत्र, दोसल्ला तथा नगद पुरस्कार प्रदान गर्नु भएको थियो ।
