विराटनगर । राउण्ड टेवल विराटनगर सेन्ट्रल १५ द्धारा जाडोको समयमा विद्यार्थीहरुलाई न्यानो कपडा वितरण गरिएको छ । राउण्ड टेवलले मोरङको रंगेलीमा रहेको महेश्रीमेही आधारभूत विद्यालयमा अध्ययनरत १ सय ६० विद्यार्थीहरुलाई जुत्ता, मोजा, स्वीटर लगायतका न्यानो कपडा वितरण गरिएको हो ।
राउण्ड टेवल विराटनगर सेन्ट्रल १५ का पदाधिकारी तथा सदस्यहरु उक्त विद्यालयमा पुगेर जाडोको न्यानो कपडासँगै विपन्न परिवारका बालबालिकालाई खाजासमेत वितरण गरिएको छ । अत्याधिक जाडोमा न्यानो कपडा पाएपछि सो विद्यालयका विद्यार्थीहरु हर्षित बनेका थिए । राउण्ड टेवल विराटनगर सेन्ट्रल १५ ले लगातार १० वर्षदेखि सो विद्यालयका विद्यार्थीलाई जाडोमा न्यानो कपडा लगायतका शैक्षिक सामाग्री वितरण गर्दै आइरहेको छ ।
