विराटनगर । विराटनगरबाट स्कुटी र मोटरसाइकल चोरी गर्ने दुईजना पक्राउ परेका छन् । प्रहरीले स्कुटी तथा मोटरसाइकल चोरी समूहका दुईजनालाई पक्राउ गरेको हो ।
विराटनगर–८ शिक्षादिप कलेज छेउबाट दुईदिन अगाडी साँझमा हराएको को ६ प ३८३७ नम्बरको स्कुटी चोरीको आरोपमा विराटनगर–१२ सैनिक टोलका २१ वर्षीय शंकर यादव पक्राउ परेका छन् । उनलाई प्रहरीले विराटनगर–१२ मलाया रोडबाट विराटनगर जोगबनीतर्फ लाँदै गरेको अवस्थामा पक्राउ गरेको मोरङका प्रहरी नायव उपरीक्षक मानबहादुर राईले जानकारी दिनुभयो ।
यसैगरी मंगलबार दिउँसो विराटनगर–८ का माधव प्रसाद साहको को २८ प १२४४ नम्बरको मोटरसाइकल चोरी गर्ने विराटनगर–८ बलुवाईका २८ वर्षीय बिरेन्द्र मुखीयालाई समेत प्रहरीले पक्राउ गरेको छ । उनले समेत होण्डा युनिकल मोटरसाइकल चोरी गरेर जोगबनी लैजादै गरेको अवस्थामा इलाका प्रहरी कार्यालय रानीको टोलिले नियन्त्रणमा लिइएको हो । पक्राउ पर्ने दुवैजना विरुद्ध चोरी कसूरमा थप अनुसन्धान भईरहेको छ । उनीहरुले मोटरसाइकल चोरी गरेर भारतको जोगबनी लगि बिक्री गर्ने गरेको प्रारम्भिक अनुसन्धानमा खुलेको छ ।
