बिराटनगर स्थित महेन्द्र मोरङ आदर्श बहुमुखी क्याम्पसमा आज बृहत रक्तदान कार्यक्रम सम्पन्न भएको छ। उक्त कार्यक्रम बिबिए दोश्रो सेमेष्टर ( सेक्सन बि ) मा अध्ययनरत बिद्यार्थीहरुद्वारा आयोजना गरिएको थियो जसमा २५ भन्दा बढी जना ले रक्तदान गरेका थिए ।
बिबिए पढ्ने विद्यार्थीहरूले सिएसए अर्थात् हरेक सेमेस्टरमा केही सामाजिक कार्यहरु गर्नुपर्ने हुन्छ जसवापत बिधार्थीहरूलाई फाइनल परिक्षामा मुल्यांकन समेत प्रदान गरिन्छ। यस्ता कार्यहरु आयोजना गर्दा केही फरक कुरा सिक्न पाइन्छ र नेतृत्व गर्ने क्षमताको पनि अभिवृद्धि हुन्छ आयोजक टिमकी सदस्य नितिया झवरले भनिन। बिराटनगरमा बिगतका दिनहरुमा रगतको निकै अभाव हुने भएकाले सो कार्यक्रमको आयोजना गरिएको हो र आउँदा दिनहरुमा पनि यस्ता कार्यक्रमहरु अझै लिएर आउनेछौं उनले बताइन् । विहान ८ बजे सुरु भएको कार्यक्रम दिउँसो १ बजे समापन गरिएको थियो।
