विराटनगर
नेपाल सरकारले देशभर लागु हुने गरि तत्काल लकडाउन नहुने तर हटस्पटहरुमा लकडाउन हुन सक्ने संकेत गरेको छ । आज आइतबार प्रधानमन्त्री निवास बालुवाटारमा नेकपा एमालेको बैठक सकिएपछि पत्रकारहरुसँग कुरा गर्दै परराष्ट्रमन्त्री प्रदीप कुमार ज्ञवालीले तत्काल देशव्यापी लकडाउन नहुने बताउनु भएको हो ।
सरकारको धारणा बताउदै उहाँले “तत्काल हामी नेशनवाइड लकडाउन चाहिँ गर्दैनौं । अहिलेको हाम्रो आग्रह सबै नागरिकहरुलाई स्वास्थ्य प्रोटोकलको पालना गर्नुस् भन्ने नै छ ।”
मन्त्री ज्ञवालीले लकडाउनले एकछिनलाई कोभिडको चेन ब्रेक गर्ने र अलिकति समयलाई पुस गर्न मात्र सहयोग गर्ने बिचार राख्दै लकडाउन अन्तिम समाधान नभएको बताउनु भयो ।
उहाँले लामो लकडाउन खेपेर तंग्रिन लागेको लकडाउन र मानिसहरुको जिविकामा महामारीको असर नपरोस भन्ने सरकारको चाहना रहेको बताउनु भएको छ ।
उहाँले भन्नु भयो “त्यसैले राष्ट्रियव्यापी लकडाउन नभई संक्रमणको जोखिम बढि देखिएको हटस्पटहरुमा खण्ड खण्ड गरि लकडाउन हुन सक्छ ।”
