विराटनगर १२ भदौ ।
प्रेस चौतारी मोरङले जर्नादन मैनाली स्मृति पत्रकारिता पुरस्कार पत्रकार विक्रम लुईटेललाई प्रदान गर्ने भएको छ । मोरङको पथरीशनिश्चरेमा हिजो साँझ सम्म वसेको चौतारी मोरङ जिल्ला समीतीको वैठकले यस वर्षको जर्नादन मैनाली पत्रकार पुरस्कार केन्द्रिय सदस्य लुईटेललाई पुरस्कार दिने निर्णय गरेको अध्यक्ष रामचन्द्र अधिकारीले जानकारी दिनुभयो । पत्रकार लुईटेल स्थानीय उज्यालो पत्र दैनिक र रेडियो पूर्वेलीमा आवद्ध हुनुहुन्छ । पुरस्कार राशी ११ हजार रुपैयाँ रहेको छ । यसअघि सो पुरस्कारवाट पत्रकार दीपेन न्यौपाने, महेन्द्र विष्ट , नरेन्द्रप्रसाद दाहाल, वन्धु पोखरेल, केदार चौहान, ललिता भट्टराई पुरस्कृत भईसकेका छन् ।
