विराटनगर । ग्लोबल आईएमई बैंक लिमिटेडको दुई दिवसीय देशव्यापी वित्तीय साक्षरता तथा ग्राहक सचेतना अभियान सम्पन्न भएको छ ।
बैंकले सोमबार र मङ्गलबार विराटनगर पोखरियास्थित सफल बैंक्वेटमा उक्त कार्यक्रम सम्पन्न गरेको हो । बैंकले सोमबार दिनको ३ देखि ६ र मङ्गलबार बिहानको ८ देखि ११ बजेसम्मका लागि कार्यक्रम आयोजना गरेको थियो । ग्राहकहरुलाई बैंकको डिजिटल प्रोडक्ट्सको बारेमा जानकारी दिन तथा उनीहरुलाई साक्षर बनाउन कार्यक्रमको आयोजना गरिएको बैंकको तिनपैनी शाखा प्रमुख राजेश बिष्टले बताए । उनले कार्यक्रममा उक्त प्रोड्क्टसहरु डिजिटल प्लाटफर्ममा डाउनलोड, अपरेट र सुरक्षित तरिकाले प्रयोग गर्ने तरिका बारे समेत बताईएको जानकारी दिए ।
कार्यक्रममा भने बैंकको कर्पोरेट अफिस काठमाडौंबाट कमला ओझा र बेनरजन ढुंगाना सहित प्रदेश कार्यालयका निश्चल अधिकारी, विराटनगरको ट्राफिक चोक शाखा प्रमुख मुकेश साह, शनिमन्दिर शाखा प्रमुख ढुण्डीराज भट्टराई तथा कञ्चनबारी शाखा प्रमुख सुमन संग्रौला लगायतको उपस्थिति रहेको थियो ।
