विराटनगर । मोरङको केरावारी गाँउपालिका वडा ७ मुगुटोलबाट ठुलो परिणामको लागुऔषध गाँजा सहित १ जनालाई प्रहरीले पक्राउ गरेको छ ।
बिहिबार दिउँसो करिब ४ बजेको समयमा केरावारीको भित्री सडक खण्डमा पश्चिमबाट पुर्व तर्फ जाँदै गरेको को २३ प ३८६१ नम्बरको मोटरसाईकललाई चेकजाँच गर्ने क्रममा मोटरसाईकलको पछाडी बाधेर राखिएको जेब्रा झोलामा बाधेर राखेको अवस्थामा ६५ केजी गाँजा बरामद भएको थियो ।
गाँजा बरामद भएसंगै उक्त मोटरसाईकल चालक सहिदभुमी गाँउपालिका-१ बस्ने ३१ बर्षीय दिपेश राईलाई समेत नियन्त्रणमा लिई घटना बारेमा थप अनुसन्धान भईरहेको ईलाका प्रहरी बेलवारीले जनाएको छ ।
