उदयपुर । उदयपुरको बेलका नगरपालिका वडा ६ स्थित मदन भण्डारी लोकमार्गमा मोटरसाईकलले ठक्कर दिँदा एक वृद्धाको मृत्यु भएको छ ।
मंगलबार बिहान करिब ११ बजे स. ७ प ८६९२ नम्बरको मोटरसाईकलको ठक्करबाट घाईते भएकि पैदल यात्री बेलका नगरपालिका वडा ३ बस्ने ७६ बर्षीय राम माया आलेको उपचारको क्रममा बेलका नगर अस्पतालमा मृत्यु भएको हो ।
मोटरसाईकल र चालक त्रियुगा नगरपालिका-७ बस्ने २० बर्षीय बिष्णु भट्टराईलाई ईलाका प्रहरी कार्यालय रामपुर उदयपुरले नियन्त्रणमा लिई दुर्घटनाको बारेमा थप अनुसन्धान भईरहेको जनाएको छ ।
