विराटनगर । संखुवासभाको चैनपुर वडा ११ गहते स्थित कोशी राजमार्गमा सवारी दुर्घटना हुँदा १ जनाको मृत्यु भएको छ भने १ जना घाईते भएका छन् ।
शनिबार दिउसो करिब १२ बजे चैनपुरबाट खाँदबारी तर्फ आउँदै गरेको को २ त ४२९४ नम्बरको ट्रयाक्टर आफैँ अनियन्त्रित भई सडक देखी ७ मिटर तल झरी दुर्घटना हुँदा चालक संखुवासभा चैनपुर वडा ३ पोखरीका २४ बर्षीय बिनाहाँङ लिम्बु र ट्याक्टर मालिक सोही स्थानका हेमन्त राई घाईते भएका थिए । घाईतेहरुलाई उपचारको लागी अस्पताल पठाईएकोमा राईको करिब १ बजे मृत्यु भएको हो ।
घटना बारेमा थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।
