सुर्खेत । नेकपा (माओवादी केन्द्र) परित्याग गरेका निवर्तमान सांसद ठम्मर विष्ट सहित कार्यकर्ताहरुको टिमसहित नेकपा (एमाले) मा समाहित हुने भएको छ । विष्टलाई एमालेमा स्वागत गर्न आइतबार एमालेका वरिष्ठ उपाध्यक्ष ईश्वर पोखरेल सुर्खेत पुगेका हुन् ।
सुर्खेतको वीरेन्द्रनगरस्थित सुर्खेत सभा गृहमा आइतबार आयोजना हुने कार्यकर्ता प्रशिक्षण कार्यक्रममा बिष्टलाई पार्टीमा समाहित गराउने एमालेले जनाएको छ ।
विष्टसंगै माओवादी केन्द्रका अन्य जिल्लास्तरीय नेताहरू पनि एमाले प्रवेश गर्ने तय भएको छ । विष्ट एमाले प्रवेश गरे लगत्तै सुर्खेतको पूर्वी क्षेत्रमा माओवादीको तर्फबाट कमिटीहरू एमालेमा समाहित गर्ने तयारी भएको छ ।
राष्ट्रियता, राष्ट्रिय स्वाधीनता, विकास र समृद्धिको दिसामा हालको पार्टी नेतृत्व लाग्न नसकेको, पहिला कार्यकर्तालाई सडकमा पठाएर पछि अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी) पारित गरिनुलगायतको कारण आफूले पार्टी छोडेको विष्टले बताएका छन् ।
फोटो:फाइल
