विराटनगर चैत्र २९ ,
गत महिना मात्रै नेकपा माओवादी केन्द्र छाडेर नेकपा एमाले प्रवेश गरेका मोरङको रंगेली नगरपालिकाका मेयर दिलिप बगडीयालाई नेकपा एमालेले मेयरको उम्मेद्वार बनाउने भएको छ । २०७४ सालको स्थानीय तह निर्वाचनमा बगडीया माओवादी केन्द्रबाट मेयरमा निर्वाचित भएका थिए ।
केपी शर्मा ओलीले पार्टी प्रवेश गराएका बगडीयालाई एमाले रंगेली नगर कमिटीले सर्वसम्त मेयरको उम्मेद्वार बनाउन सिफारिस गरेको हो । उनि रंगेलीमा लोकप्रिय मानिन्छन ।
मेयर बगडीया माआवादी केन्द्रबाट निर्वाचित दुई वडाध्यक्षसहित एमालेमा प्रवेश गरेका थिए । बगडीया व्यवसायीक पृष्ठभूमीबाट मेयर निर्वाचित बनेका थिए । उनले नगरपालिकाबाट कुनै पनि सेवा सुविधा नलिने घोषणा पनि गरेका थिए ।
