विराटनगर । मोरङको रतुवामाई नगरपालिका–३ छालगाछिबाट लागुऔषध ब्राउन सुगरसहित एकजनालाई प्रहरीले पक्राउ गरेको छ ।
पक्राउ पर्नेमा पथरीशनिश्चरे–४ का ५३ वर्षीय खड्कप्रसाद सिलवाल रहेका छन् ।
उनले बा ७६ प ४६९७ नम्बरको मोटरसाइकलमा भारतबाट ६८८ ग्राम ब्राउन सुगर लिएर आउँदै गर्दा प्रहरी चौकी महादेवाबाट खटिएको प्रहरी टोलिको चेकजाँचमा परेका थिए । मोरङ प्रहरीका प्रवक्ता दिपक श्रेष्ठले सिलवाल विरुद्ध पाँच दिनको म्याद थप गरि लागु औषध कसुरमा थप अनुसन्धान सुरु गरिएको जानकारी दिनुभयो ।
