विराटनगर । मिस नेपालमा यसपटकको मिस नेपालमा विराटनगर-३ की नेन्सी खड्का स्पर्धी भएकी छन् ।
सेण्टजोसेफ स्कुलबाट एसएलसी उत्तीर्ण खड्का मिस नेपालको २४ फाइनल स्पर्धीमा चुनिएकी हुन् । विराटनगरका राष्ट्रिय गायक सुमित खड्का र बबिता रोक्का खड्काकी छोरी न्यान्सी यसअघि पनि विभिन्न सुन्दरी स्पर्धामा सहभागी भइसकेकी छन् । ‘द हिंड्न टेजर’ ले हरेक वर्ष आयोजना गर्दै आएको मिस नेपालको यो सन् २०२२ संस्करण हो ।
‘देशभरबाट न्यान्सी पनि छनौट भएकोमा हामी धेरै खुसी छौं’ गायक खड्काले आवर विराटनगरलाई भने, ‘विराटनगरबासीको नेन्सीलाई मायाको खाँचो छ, एसएमएस भोटिङमा सहयोगका लागि हामी विराटनगरबासीलाई एक भएर अघि बढ्न आग्रह गर्दछु ।’
विराटनगरमा जन्मेकी नेन्सी एसएलसी उत्तीर्ण भएपछि काठमाडौं बस्दै आएकी छन् । छात्रवृत्तिमा अमेरिका गएर अध्ययन गर्दै फर्किएकी नेन्सी स्पर्धाको सशक्त स्पर्धी भएकाले हाल उनले बौद्धिकलगायतका विभिन्न तयारी गरिरहेकी छन् । मिस नेपाल देशकै सामाजिक सेलिब्रेटी हुने गर्दछन् खास गरेर मिस नेपालले पछिल्लो समय आफूलाई सामाजिक सेवक र अग्रणी व्यक्तिका रुपमा चिनाउँदै आएका छन् ।
