काठमाडौँ । नेपाली राष्ट्रिय टिमका लेग स्पिनर सन्दीप लामिछानेकाे एकदिवसीय अन्तर्राष्ट्रिय क्रिकेटमा सबैभन्दा छिटाे एक सय विकेट लिने खेलाडी बनेका छन् ।
त्रिवि क्रिकेट मैदानमा जारी एसीसी मेन्स प्रिमियर कप अन्तर्गत ओमानविरुद्धको खेलमा एक विकेट लिएसँगै सन्दीपले कीर्तिमान बनाएका हुन्। सन्दीपले ४२ खेलमा याे कीर्तिमान बनाउन सफल भएका छन् ।
उनले खेलकाे १२ ओभर ३ बलमा अदिल सफिकलाई एलबीडब्ल्यू आउट गरे । सन्दीपले अफगानिस्तानका स्पिनर राशिद खानलाई पछि पार्दै कीर्तिमान बनाएका हुन् ।
यसअघि याे कीर्तिमान अफगानिस्तानका स्पिनर राशिद खानकाे नाममा थियाे । उनले ४४ खेलमा सय विकेट लिएका थिए । यस्तै अस्ट्रेलियाका तीव्र गतिका बलर मिचेल स्टार्क तेस्राे स्थानमा छन् । उनले ५२ खेलमा याे कीर्तिमान बनाएका थिए ।
