विराटनगरका अन्तरास्ट्रिय क्रिकेट अम्पायर बुद्धि बहादुर प्रधान एसीसी इमार्जिन कप एसिया कप क्रिकेटमा अम्पायरिङ गर्ने भएका छन। इमर्जिङ कप बिहीबारदेखि श्रीलंकामा हुँदैछ । १३ जुलाईदेखि २३ सम्म हुने प्रतियोगितामा टेस्ट राष्ट्रका ए टिम तथा नेपाल, यूएई र ओमानका टिम सहभागी हुनेछन् ।
नेपाल रहेको समूहमा भारत ए, पाकिस्तान ए र यूएई छन् । समूह बी मा रहेको नेपालले पहिलो खेल जुलाई १४ मा पाकिस्तान ए सँग खेल्ने छ भने १७ मा भारत ए र १९ मा यूएईसँग खेल्ने तालिका छ ।
प्रधानले यसअघि पनि बिभिन्न आइसिसि प्रतियोगितामा समेत अम्पायरिङ गरिसकेका छन् । प्रधान नेपालबाट पहिलो आइसीसी अम्पायर समेत हुन् ।
उनले पहिला विराटनगरमा क्लब क्रिकेट समेत खेल्ने गरेको र राम्रो तिब्र गतिका बलर रहेको उनका समकालीन खेलाडीहरु बताउछन । उनि विराटनगरमा शिक्षा क्षेत्रमा समेत आवद्ध रहेका छन् ।
