झापा । झापाको मेचीनगर नगरपालिका-६ मेची पुलबाट नियन्त्रीत लागुऔषध खैरो हेरोईन सहित २ जनालाई प्रहरीले पक्राउ गरेको छ ।
बिशेष सूचनाको आधारमा लागुऔषध नियन्त्रण ब्युरो काँकडभिट्टा र ईलाका प्रहरी कार्यालय काँकडभिट्टाको संयुक्त रुपमा खटिएको प्रहरी टोलीले झापाको बुद्धशान्ती गाउँपालिका-४ का ३६ बर्षीय सुरज थेवे र झापाको शिवसताक्षी नगरपालिका-७ का ४२ बर्षीय अमृत श्रेष्ठलाई ४ ग्राम ५ सय मिलिग्राम लागुऔषध खैरो हेरोईन सहित शनिवार अपरान्ह ४ बजे पक्राउ गरेको हो ।
पक्राउ परेका दुबैजनाको घटना सम्बन्धमा थप अनुसन्धान गरिरहेको प्रहरीले जनाएको छ।
