विराटनगर । मोरङ प्रहरीले विभिन्न स्थानहरुबाट अप्रेशनको क्रममा बरामद गरिएको लागु औषध र गाँजा नष्ट गरिएको छ ।
मोरङ जिल्ला अदालतमा पेश गरिएको लागु औषध गाँजा तथा कृतिम लागु औषध एम्पुल नष्ट गरिएको हो ।
जिल्ला अदालत मोरङ, जिल्ला प्रशासन कार्यालय मोरङ, जिल्ला प्रहरी कार्यालय मोरङ र विराटनगर महानगरपालिकाको प्रतिनिधीहरूको रोहवरमा विराटनगर महानगरपालिका वडा नं.–१३ स्थित सिंघिया खोला छेउमा कुल ५४२.३३ केजी गाँजा आगो लगाएर नष्ट गरिएको जिल्ला प्रहरी कार्यलय मोरङले जनाएको छ ।
