विराटनगर । भारतबाट लुकाईछिपाई ल्याएको प्रतिबन्धित पटका जन्य वस्तु प्रहरीले खाल्डो खनेर नष्ट गरेको छ । विभिन्न समयमा जिल्ला प्रहरी कार्यलय मोरङले नियन्त्रण गरेको पटका बुधबार खाल्डो खनेर नष्ट गरेको हो ।
रानी नाका हुदै अवैध रुपमा विराटनगर भित्राइएका पटका प्रहरीले नियन्त्रणमा लिने गरेको छ । प्रहरीले कोब्रा नागिन ३५ सय प्याकेट, झिरझिरे ३५० प्याकेट नष्ट गरेको छ ।
जिल्ला प्र्रहरी कार्यलय भित्र परीसरमा खाल्डोमा पानी हालेर उक्त वस्तु नष्ट गरीएको हो । पटका जन्य वस्तु हरेक वर्ष चाडपर्व लक्षित अवैध रुपमा नेपाल भित्रने गरेको छ । पटका जन्य वस्तुले स्वास्थ्य , वातावरण र धनजनमा क्षति गर्छ । नेपालमा पटका जन्य बस्तु पटड्काउन प्रतिबन्ध गरिएको छ ।
