विराटनगर । विराटनगरको सात घुम्तीस्थित कवाडी गोदाममा भएको आगलागीमा परी एक जनाको मृत्यु भएको छ ।
आज दिउँसो भएको आगलागीमा परी घाइते भई अस्पतालमा उपचार गराइरहेका ५ जनामध्ये विराटनगर ७ का ३० वर्षीय दिपक मण्डलको मृत्यु भएको हो ।
उपचार गराईरहेका दुई जनाको अवस्था गम्भीर तथा दुई जनाको अवस्था सामान्य रहेको मोरङ प्रहरीका प्रवक्ता डिएसपी रन्जनकुमार दाहालले जानकारी दिए ।
विराटनगर महानगरपालिका, दुहबी, सुन्दरहरैँचा,बेलबारी नगरपालिका,बर्जु गाउँपालिकाको दमकल स्थानीय र प्रहरीको सहयोगमा बाहिरी रुपमा आगो नियन्त्रणमा आएपनी भित्री भागको आगो नियन्त्रणको प्रयास भईरहेको जिल्ला प्रहरी कार्यालय मोरङले जनाएको छ ।
आगलागीको कारण भने अहिलेसम्म खुलेको छैन ।
