विराटनगर । विराटनगरमा रहेको दिल्ली पब्लिक स्कुलले विभिन्न खेलकुद प्रतियोगिता गरी बार्षिक कार्यक्रम अन्तर्गत ‘खेल सप्ताह २०८०’ मनाएको छ ।
स्कुलले प्रत्येक वर्ष झैँ यस वर्ष पनि विभिन्न कार्यक्रम गरी अभिभावकको उपस्थितिमा ‘खेल सप्ताह २०८०’ मनाएको हो ।
स्कुलले विद्यालय परिसरमा विद्यार्थीहरुलाई सर्वाङ्गीण सिकाई, अनुशासन तथा शारीरिक विकास आदिलाई लक्षित गरि विभिन्न खेलकुद कार्यक्रम मार्फत प्रस्तुतिकरण गर्ने उदेश्यले सप्ताव्यापी स्पोर्ट्स मिट गरेको थियो । विद्यार्थीहरुले अभिभावकहरुको उपस्थितिमा नृत्य तथा गायन समेत प्रस्तुत गरेका थिए । खेल सप्ताह अन्तर्गत बल ब्यालेन्सिङ ,रिङ रेस, बल संकलन ,टग अफ वार, १ सय र २ सय मिटर रिले दौड लगायत अभिभावकहरुलाई समेत खेल प्रतियोगितामा समावेश गराएको थियो ।
कार्यक्रममा खेलकुद महासंघको केन्द्रीय अध्यक्ष पर्शुराम बस्नेतले विद्यार्थीहरुको सर्वाङ्गीण विकासको लागि पढाइ र अनुशासन संगै खेलकुद पनि आवश्यक रहेकोले यस्तो कार्यक्रम आयोजना गरि राख्नुपर्नेमा जोड दिए ।
स्कुलले विद्यार्थीहरुलाई पढाईका अतिरिक्त विभिन्न खेलकुद प्रतियोगिता गराउदै आएको स्कुलका प्रिन्सीपल भिम बहादुर लिम्बुले जानकारी दिए ।
