विराटनगर । मोरङको लेटाङ नगरपालिका- २ स्थित भरुवा बन्दुक सहित एक जनालाई प्रहरीले पक्राउ गरेको छ ।
पक्राउ पर्नेमा स्थानीय २४ वर्षीय रुपेश राई रहेका छन् । बिहिबार बेलुका साढे ८ बजे राईले घरमानै अबैध रुपमा भरुवा बन्दुक राखेको भन्ने सूचनाका आधारमा ईलाका प्रहरी कार्यालय लेटाङबाट खटिएको प्रहरी टोलीले खानतलासी गर्दा उक्त घरबाट १ थान र चेकजाँचकै क्रममा निज राईको घर अगाडी होम पाईपमा समेत लुकाईछिपाई राखेको अवस्थामा थान १ गरि जम्मा २ थान भरुवा बन्दुक फेला पारी राईलाई पक्राउ गरेको हो ।
पक्राउ परेका उनको घटना सम्बन्धमा थप अनुसन्धान भईरहेको जिल्ला प्रहरी कार्यालय मोरङले जनाएको छ ।
