धनकुटा । धनकुटाको छथर जोरपाटी गा.पा. ६ ,सिंधुवा बजारमा चण्डीपूर्णे रगरगे मेला तथा दोस्रो सिधुवा रन–२०८१ आयोजना हुने भएको छ । आगामी जेठ १० गते चण्डि पूर्णीमा एवं बुद्ध जयन्तीको अवसरमा कार्यक्रम आयोजना हुने भएको हो ।
सिधुवाको पुरानो मेला (रगरगे) लोप हुँदै गएको थियो । गतवर्षदेखि यसलाई नयाँ तरिकाले आयोजना गर्न थालिएको हो । यस पटक पनि भब्य र सभ्य तरिकाले सम्पन गर्न आयोजक समिति गठन गरिएको छ । मुलआयोजक सदस्य अनिश खुलालका अनुसार बिभिन्न सङ्घ सस्था सरोकारवाला निकायबीच छलफल आयोजना गरेर उपसमिति गठन गरिएको छ ।
कार्यक्रममा राष्ट्रिय कलाकारको प्रस्तुतिसहित विविध साँस्कृतिक कार्यक्रम हुने छ । धान नाच ढोल नाच बिभिन्न जातजातिका झाँकि तथा राष्ट्रिय कलाकार समेतलाई निम्तयाएर कार्यक्रमहरु गरिने बताइएको छ ।
