विराटनगर, ८ कार्तिक । विराटनगरमा सोमबार भएको मैत्रीपूर्ण फुटसल खेलको उपाधि विराटनगरका यूवा अभियन्ता टिमले जितेको छ । विराटनगर – ६ मा रहेको फुटसल खेलमैदानमा भएको खेलमा विराटनगर जेसिसलाई चार गोलको विरुद्ध यूवाले पाँच गोल गरि उपाधिमाथि कब्जा जमाएको हो । बिराटनगरका यूवा अभियन्ताको तर्फबाट बिवेक दाहाल, भुवन लम्सालले समान १-१ र बालकृष्ण भट्टराईले दुई गोल गरि जित सुनिश्चत गरेका थिए । जेसिसको तर्फबाट मुकेश यादबले १ र निसव शाक्यले ३ गोल गरेका थिए । जेसिसको टिमबाट १ गोल आत्मघाती भएको थियो । विराटनगर जुनियर जेसिसले आयोजना गरेको २१ अौ स्थापना दिवसको अवसरमा आयोजित सप्ताहव्यापी कार्यक्रम अन्तर्गत मैत्रीपूर्ण फुटलस प्रतियोगिता आयोजना गरेको हो । निकै रोमान्चित भएको खेलमा दबै टिमका खेलाडीहरु आक्रमक रुपमा प्रस्तुत भएका थिए । जेसिसले हप्ताभरी नै विभिन्न कार्यक्रम गरि सप्ताह मनाउने भएको छ ।
