भोजपुर । भोजपुरमा आफ्नै आमाको हत्या गरेको आरोपमा एक जनालाई प्रहरीले पक्राउ गरेको छ।
हत्या आरोपमा भोजपुर अरुण गाउँपालिका- ४ ल्याङडाँडा चरम्बीका ३४ वर्षीय मिलन तामाङलाई प्रहरीले पक्राउ गरेको हो ।
आइतबार बेलुका पौने ६ बजे उनले आमा ६८ वर्षीया निर कुमारी तामाङलाई धारिलो हतियार सिक्कलले टाउकोमा प्रहार गरि हत्या गरेका थिए । घटनाको जानकारी पाउन साथ अस्थाई प्रहरी पोष्ट चरम्बी र इलाका प्रहरी कार्यालय तिवारीभंज्याङबाट प्रहरी टोली खटि गई मिलन तामाङलाई पक्राउ गरेको थियो।
घटना सम्बन्धमा थप अनुसन्धान भईरहेको प्रहरीले जनाएको छ ।
