विराटनगर । एक जना मेनपावर व्यवसायी विराटनगरमा मृत भेटिएका छन् ।
सुनसरीकाे इनरुवा नगरपालिका -६ घर भएका २८ वर्षीया राजिव फुयाल बिहिबार बिहान विराटनगर ११ नयाँ गुद्री अगाडिको हाेटलमा मृत भेटिएका हुन् ।
हाेटलकाे १०८ नम्बर काेठामा झून्डिएकाे अवस्थामा उनकाे शव भेटिएको छ । अहिले घटना स्थलमा वडा प्रहरी कार्यालय विराटनगरका डिएसपीकाे नेतृत्वको टोलीले अनुसन्धान गरिरहेको छ। मृतक फुयाल लामाे समयदेखि मेनपावर संचालन गरेर बसेकाे बुझिएको छ । उनले बुधबार भारत हुँदै २५ जना युवालाई डेन्मार्क पढाउने भनेर विराटनगर लिएर आएका थिए । उनी विराटनगरकाे नयाँ गुद्री अगाडि बसेका थि। भने बिदेश जाने युवाहरू भने रानी क्षेत्रमा बसेका थिए ।
बिहान युवाहरू बिच नआएपछि खाेज्दै हाेटलमा पुग्दा उनी मृत भेटिएका हुन् । एक जनाबाट उनले ७ लाख लाग्ने बताएका थिए । बिदेश पढाउनुभन्दा अगाडि एक जनाबाट ढेल लाख लिएका थिए । बाकी रकम बिदेश पुगेपछि दिने भनिएकाे मुकेश कुमार पन्डितले बताए ।
