विराटनगर । निहारीका कलेजले आयोजना गरेको दुई दिने अन्तर कक्षा फुटसल प्रतियोगिता सम्पन्न भएको छ । विराटनगर-५ बरगाछीस्थित कलेजले विराटनगर-२ को स्पोर्ट हवमा शुक्रबार र शनिबार यो प्रतियोगिता आयोजना गरेको थियो ।
कलेजका अध्यक्ष रुपेश खतिवडाका अनुसार प्रतियोगितामा कलेजका विभिन्न कक्षाका १२ वटा टोलीले भाग लिएका थिए । उपाधि बीसीए आठौं सेमिस्टरका विद्यार्थीहरूले जितेका छन् । भने बीबीएस दोस्रो वर्षका विद्यार्थीहरू उपविजेता बनेका छन् । विजेता टोलीलाई पुरस्कार वितरण गरिएको छ ।
अध्यक्ष खतिवडाले यस प्रतियोगिताले विद्यार्थीहरूमा खेलकुदप्रतिको रुचि र शारीरिक तन्दुरुस्तीको महत्व बढाउन भूमिका खेल्ने बताए । साथै उनले खेलकुदको क्षेत्रमा कलेजलाई उत्कृष्ट बनाउँदै लैजाने प्रतिबद्धता व्यक्त गरे ।
